:

Магчымасці доступу на рынак Карэі

Урад Карэі рэалізуе стратэгію заключэння пагадненняў аб свабодным гандлі як з асобнымі дзяржавамі, так і з эканамічнымі блокамі. У цяперашні час дзейнічае 15 пагадненняў з 52 краінамі (уключаючы 28 дзяржаў ЕС, 10 дзяржаў АСЕАН і 4 дзяржавы ЕАСГ).

Курс Рэспублікі Карэя на лібералізацыю знешняга гандлю палягчае доступ тавараў з краін, з якімі заключаны пагадненні аб свабодным гандлі. Гэта ўзмацняе канкурэнцыю ў дачыненні да беларускіх тавараў як па цэнавым фактары ў сувязі з больш высокімі пошлінамі, так і ў сувязі з тым, што наша прадукцыя падпадае пад жорсткія меры нетарыфнага рэгулявання.

Падрабязную інфармацыю аб наяўнасці пошлін на тавары, што імпартуюцца ў Карэю, беларускія кампаніі могуць атрымаць на сайце Карэйскай мытнай службы (Korea Customs Service):
 

Пры экспарце сельгаспрадукцыі неабходна ўлічваць наяўнасць дзяржпадтрымкі сельскагаспадарчай галіны ў Рэспубліцы Карэя, у асаблівасці вытворцаў рысу як традыцыйнага прадукту, якая складае аснову харчовага рацыёну. У сувязі з такой палітыкай на шэраг пазіцый сельгаспрадукцыі захоўваюцца высокія ахоўныя пошліны нават з дзяржавамі, з якімі заключаны пагадненні аб свабодным гандлі.

Для экспарту ў Рэспубліку Карэя харчовых прадуктаў і лекаў прадукцыя павінна адпавядаць стандартам якасці, устаноўленым Міністэрствам па кантролі якасці прадуктаў і лекаў Рэспублікі Карэя. Для праходжання неабходных працэдур кампанія-экспарцёр таксама павінна быць зарэгістраваная ў базе Міністэрства:
 

Падрабязная інфармацыя пра формы і паслядоўнасці дзеянняў пры рэгістрацыі замежных прадпрыемстваў на тэрыторыі Рэспублікі Карэя падрыхтавана Карэйскім агенцтвам па садзейнічанні гандлю і інвестыцыям (КОТРА).

Інфармацыя для замежных кліентаў аб стварэнні ўласнай вытворчасці на англійскай мове даступная на сайце Міністэрства дзяржаўнага заканадаўства Рэспублікі Карэя.

Інфармацыя Сеульскага глабальнага цэнтра (Seoul Global Center) змяшчае кіраўніцтва па запуску новых праектаў у бізнэсе на англійскай мове, а таксама звесткі аб візавых і міграцыйных правілах, працоўных адносінах, вызваленні ад падаткаў і г.д.

Партал нарматыўна-прававой інфармацыі ў сферы бізнесу, фінансаў, гандлю і прамысловасці змяшчае афіцыйныя тлумачэнні кампетэнтных карэйскіх органаў у розных сферах, якiя рэгулююцца карэйскім заканадаўствам.

Дыпмісіі Беларусі за мяжой

Усе дыпмісіі Сайт МЗС
Перайсці