Патрабаванні да афармлення дакументаў

Пры звароце ў Пасольства па консульска-прававых пытаннях (выдача і абмен пашпарта, афармленне сталага пражывання за межамі Рэспублікі Беларусь, пастаноўка на консульскі ўлік, выхад з грамадзянства Рэспублікі Беларусь, афармленне пасведчанняў на вяртанне ў Рэспубліку Беларусь, рэгістрацыя актаў грамадзянскага стану, здзяйсненне натарыяльных дзеянняў, выпатрабаванне дакументаў, выдача даведак і інш.) неабходна прытрымлівацца наступных патрабаванняў:

♦ заявы і анкеты павінны быць запоўненыя загадзя;

♦ усе палі заяў і анкет павінны быць запоўненыя без пропускаў. Дакументы неабходна запаўняць на мове, на якім складзены бланк (выключэнне — адрас пражывання ў Рэспубліцы Карэя запаўняецца лацінкай). Калі звесткі адсутнічаюць, неабходна ўказваць «няма»;

♦ дакументы, выдадзеныя ў Рэспубліцы Карэя, павінны быць апасталяваны. Апастыль можна праставіць ў адпаведных карэйскіх дзяржаўных органах;

♦ дакументы, складзеныя на замежнай мове (нават часткова), павінны быць перакладзены на беларускую або рускую мову;

♦ подпіс перакладчыка павінен быць завераны натарыяльна (беларускім натарыусам або консулським супрацоўнікам Пасольства);

♦ пераклад павінен ўтрымліваць увесь тэкст арыгінальнага дакумента, перакладчык не мае права скарачаць перакладаны тэкст;

♦ адны і тыя ж імёны і назвы на мове перакладу павінны супадаць ва ўсіх дакументах;

♦ пераклад імёнаў у замежных дакументах павінен адпавядаць напісанню імёнаў у дакументах, выдадзеных у Рэспубліцы Беларусь;

♦ усе дакументы неабходна прад'яўляць з копіямі ў адпаведнай колькасці. Калі не пазначана іншае, патрабуецца копія ўсіх старонак дакумента, уключаючы апастыль і пераклад;

♦ штампы і подпісы ў копіях дакументаў павінны быць якаснымі і адпавядаць якасці арыгінала дакумента;

♦ копіі дакументаў павінны цалкам размяшчацца ў межах ліста, без зрушэнняў за яго межы;

♦ для работы з заявамі некалькіх членаў сям'і неабходныя копіі павінны прадастаўляцца асобна па кожнага заяве;

♦ пры планаванні даты наведвання Пасольства просім ўлічваць неабходнасць папярэдняга запісу.