Урад Карэі рэалізуе стратэгію заключэння пагадненняў аб свабодным гандлі як з асобнымі дзяржавамі, так і з эканамічнымі блокамі. У цяперашні час дзейнічае 21 пагадненне з 59 краінамі (уключаючы 27 дзяржаў ЕС, 10 дзяржаў АСЕАН, 4 дзяржавы ЕАСГ і 5 дзяржаў Цэнтральнай Амерыкі).

Курс Карэі на лібералізацыю знешняга гандлю аблягчае доступ тавараў з краін, з якімі заключаны пагадненні аб свабодным гандлі. Гэта ўзмацняе канкурэнцыю ў адносінах да беларускіх тавараў як па цэнавым фактары ў сувязі з больш высокімі пошлінамі, так і ў сувязі з тым, што наша прадукцыя падпадае пад меры нетарыфнага рэгулявання.

Падрабязную інфармацыю аб наяўнасці пошлін на тавары, якія імпартуюцца ў Карэю, беларускія кампаніі могуць атрымаць на сайце Карэйскай мытнай службы (Korea Customs Service):

Пры экспарце сельгаспрадукцыі неабходна ўлічваць наяўнасць дзяржпадтрымкі сельскагаспадарчай галіны ў Рэспубліцы Карэя, асабліва вытворцаў рысу як традыцыйнага прадукта, які складае аснову харчовага рацыёну. У сувязі з такой палітыкай на шэраг пазіцый сельгаспрадукцыі захоўваюцца высокія ахоўныя пошліны нават з дзяржавамі, з якімі заключаны пагадненні аб свабодным гандлі.

Для экспарту ў Рэспубліку Карэя харчовых прадуктаў і лекаў прадукцыя павінна адпавядаць стандартам якасці, устаноўленым Міністэрствам па кантролі якасці прадуктаў і лекаў Рэспублікі Карэя. Для праходжання неабходных працэдур кампанія-экспарцёр таксама павінна быць зарэгістраваная ў базе Міністэрства:

Падрабязная інфармацыя аб формах і паслядоўнасці дзеянняў пры рэгістрацыі замежных прадпрыемстваў на тэрыторыі Рэспублікі Карэя падрыхтавана Карэйскім агенцтвам па садзейнічанні гандлю і інвестыцыям (КОТРА).

Інфармацыя для замежных кліентаў аб стварэнні ўласнай вытворчасці на англійскай мове даступна на сайце Міністэрства дзяржаўнага заканадаўства Рэспублікі Карэя.

Інфармацыя Сеульскага глабальнага цэнтра (Seoul Global Center) змяшчае кіраўніцтва па запуску новых праектаў, у т.л. у бізнэсе, на англійскай мове, а таксама звесткі аб візавых і міграцыйных правілах, працоўных адносінах, вызваленні ад падаткаў і г.д.