Пасол сустрэўся з дырэктарам мультыкультурнага музея ў Сеуле
08.02.2022 г.8 лютага 2022 года Надзвычайны і Паўнамоцны Пасол Рэспублікі Беларусь у Рэспубліцы Карэя Андрэй Чарнецкі наведаў мультыкультурны музей.
У ходзе гутаркі з дырэктарам Кім Юн Тхэ бакі абмяняліся меркаваннямі аб магчымых праектах супрацоўніцтва паміж Пасольствам і музеем па папулярызацыі Беларусі сярод карэйскіх жыхароў у год 30-годдзя ўстанаўлення дыпламатычных адносін паміж дзвюма краінамі.
Пасол таксам здзейсніў экскурсію па музеі, дзе прадстаўлены розныя прадметы культуры, пачынаючы ад замежных банкнот і заканчваючы нацыянальным адзеннем і музычнымі інструментамі з усяго свету, і перадаў у экспазіцыю музея беларускую традыцыйную народную ляльку.