Пасольства Беларусі прыняло ўдзел у выставе IGF
26.07.2021 г.Пасольства Рэспублікі Беларусь у Рэспубліцы Карэя прыняло ўдзел у Выставе імпартных тавараў (IGF) 2021, якая праходзіла з 22 па 24 ліпеня 2021 года ў COEX, г.Сеул.
IGF штогод арганізуецца Карэйскай асацыяцыяй імпарцёраў (KOIMA) пры падтрымцы Міністэрства гандлю, прамысловасці і энергетыкі (MOTIE), Карэйскага агенцтва па садзейнічанню гандлю і інвестыцыям (KOTRA) і Карэйскай асацыяцыяй міжнароднага гандлю (KITA). IFG 2020 быў адменены з-за сітуацыі з Covid-19.
Хон Кван Хі, старшыня KOIMA, а таксама прадстаўнікі розных дзяржаўных органаў Рэспублікі Карэя і многія кіраўнікі дыпламатычных місій прынялі ўдзел у цырымоніі адкрыцця IGF 22 ліпеня 2021 года.
На стэндзе Пасольства Рэспублікі Беларусь быў прадстаўлены шырокі асартымент беларускіх тавараў — ад ільняных тканін і хатняга тэкстылю да высокатэхналагічнай прадукцыі. Розныя каталогі і брашуры дазволілі ўсім зацікаўленым азнаёміцца з экспартным і інвестыцыйным патэнцыялам Беларусі.