Аб удзеле Пасольства ў фестывалі Global Citizen Festival 2026
26.05.2026 г.23 мая 2026 года Пасольства Рэспублікі Беларусь у Рэспубліцы Карэя прыняло ўдзел у фестывалі Global Citizen Festival 2026 – адным з найважнейшых міжнародных мерапрыемстваў г. Пусана, дзе штогод культуры і традыцыі розных краін сплятаюцца ў адзіную маляўнічую падзею.
Наведвальнікам фестывалю была прадстаўлена магчымасць пазнаёміцца з культурнай самабытнасцю Беларусі, яе багатай гісторыяй і турыстычным патэнцыялам. Традыцыйна загранустанова частавала ўдзельнікаў мерапрыемствы беларускай прадукцыяй і дамашняй выпечкай. Для юных гасцей фестывалю былі падрыхтаваны размалёўкі з выявамі нацыянальных сімвалаў і драўляныя пазлы беларускай вытворчасці.
У 2026 годзе з нагоды 150-годдзя адкрыцця порта Пусан – галоўнай марской брамы Рэспублікі Карэя – мерапрыемства прайшло на новай пляцоўцы – у гарадскім парку Паўночнага порта. На фестывалі былі прадстаўлены больш за 100 устаноў і арганізацый з 37 краін свету.
Пасол Рэспублікі Беларусь у Рэспубліцы Карэя Андрэй Чарнецкі сумесна з жонкай прынялі ўдзел ва ўрачыстай цырымоніі адкрыцця фестывалю. Кіраўнік беларускай дыпламатычнай місіі таксама пакінуў памятны запіс у кнізе ганаровых гасцей Global Citizen Festival 2026.
