Аб удзеле Пасольства ў міжнароднай выставе Korea Import Fair 2024
05.07.2024 г.
4 – 6 ліпеня 2024 г. Пасольствам Беларусі ў Карэі забяспечана прадстаўленасць нашай краіны ў міжнароднай выставе імпартных тавараў “Korea Import Fair”, арганізаванай Карэйскай асацыяцыяй імпарцёраў пры падтрымцы Міністэрства гандлю, прамысловасці і энергетыкі, а таксама Карэйскага агенцтва па садзейнічанні гандлю і інвестыцыям.
За гады свайго правядзення выстава зарэкамендавала сябе ў якасці важнай рэгіянальнай пляцоўкі для ўмацавання бізнес-кантактаў і працы на карэйскім рынку. Кіраўнік Пасольства прыняў удзел у цырымоніі адкрыцця мерапрыемства, правёў сустрэчы з карэйскімі і замежнымі афіцыйнымі асобамі, прадстаўнікамі бізнесу і дыпкорпуса ў Сеуле.
На беларускім стэндзе, які наведалі дырэктар Асацыяцыі Кім Бен Кван і прадстаўнік Мінпрамгандлю Карэі, былі прадстаўлены кандытарскія вырабы вытворчасці «Спартак», «Камунарка», «Чырвоны харчавік», гатовая мясная і малочная прадукцыя, бульбяныя чыпсы «Белпрадукт», печыва «Слодыч». Адначасова былі размешчаны каталогі і брашуры аб экспартным, адукацыйным і інвестыцыйным патэнцыяле Беларусі.
