Аб удзеле Пасла ў прыёме Асацыяцыі губернатараў Рэспублікі Карэя
09.12.2024 г.
6 снежня 2024 года Надзвычайны і Паўнамоцны Пасол Рэспублікі Беларусь у Рэспубліцы Карэя Андрэй Чарнецкі прыняў удзел у 15-м штогадовым прыёме Асацыяцыі губернатараў Рэспублікі Карэя.
З прывітальным словам і віншавальнай прамовай у адрас прысутных гасцей з ліку кіраўнікоў дыпмісій і губернатараў рэгіёнаў Карэі звярнуўся старшыня асацыяцыі і мэр горада Пусана Пак Хёнг Чжун, а таксама дуаен дыпламатычнага корпуса ў Рэспубліцы Карэя Шафік Рачадзі.
У рамках прыёму адбылася прэзентацыя календара мерапрыемстваў, якія плануюцца да правядзення ў Рэспубліцы Карэя ў 2025 годзе, з абмеркаваннем праектаў пры ўдзеле замежных дыпмісій.
На палях сустрэчы Пасол Андрэй Чарнецкі правёў размовы з кіраўніцтвам арганізацыі, падчас якіх падзякаваў карэйскаму боку за рэгулярныя запрашэнні на мерапрыемствы асацыяцыі і выказаў гатоўнасць рэгіёнаў Рэспублікі Беларусь развіваць плённыя адносіны з правінцыямі Рэспублікі Карэя.
