Змяненнi ў консульскіх працэдурах
У адпаведнасці з Указам Прэзідэнта Рэспублікі Беларусь ад 4 верасня 2023 г. № 278 «Аб парадку выдачы дакументаў і здзяйснення дзеянняў», пачынаючы з 7 верасня 2023 года, скарэкціраваны пералік консульскіх дзеянняў і адміністрацыйных працэдур, якія здзяйсняюцца дыпламатычнымі прадстаўніцтвамі і консульскімі ўстановамі Рэспублікі Беларусь па заявах грамадзян.
ДАКУМЕНТАВАННЕ
Згодна з палажэннямі ўказа замежнымі ўстановамі спынена ажыццяўленне ўсіх функцый, звязаных з дакументаваннем насельніцтва (выдача/абмен/падаўжэнне ўсіх відаў пашпартоў і ідэнтыфікацыйных карт), за выключэннем выдачы пасведчанняў на вяртанне ў Рэспубліку Беларусь.
Усе дзеянні па выдачы і абмене дакументаў, якія сведчаць асобу, будуць ажыццяўляцца на тэрыторыі Беларусі. Грамадзянам Рэспублікі Беларусь, якія аформілі пастаяннае пражыванне за межамі Рэспублікі Беларусь і знаходзяцца ў замежных установах на пастаянным консульскім уліку, варта звяртацца па гэтым пытанні ў падраздзяленне па грамадзянстве і міграцыі УУС па месцы апошняй рэгістрацыі па месцы жыхарства ў Рэспубліцы Беларусь (па месцы апошняй рэгістрацыі па месцы жыхарства ў Рэспубліцы Беларусь бацькоў – для асоб, якія не пражывалі ў Рэспубліцы Беларусь) альбо ў галоўнае консульскае ўпраўленне МЗС. Абмен пашпартоў грамадзянам Рэспублікі Беларусь, зарэгістраваным у Рэспубліцы Беларусь, будзе магчымы ў падраздзяленні па грамадзянстве і міграцыі УУС па месцы рэгістрацыі ў Рэспубліцы Беларусь.
НАТАРЫЯТ
У адпаведнасці з указам у замежнай установе не засведчваюцца даверанасці, аднак па-ранейшаму засведчваюцца завяшчання, згоды, адмовы, сведчыць вернасць копій дакументаў і сапраўднасць подпісу на дакументах, а таксама іншыя натарыяльныя дзеянні.
КОНСУЛЬСКІ ЎЛІК, ЗАГС, ПАСТАЯННАЕ ПРАЖЫВАННЕ
Змены не закранулі пытанні консульскага ўліку, рэгістрацыі актаў грамадзянскага стану, а таксама працэдур, звязаных з грамадзянствам і афармленнем сталага пражывання за межамі Рэспублікі Беларусь.
АПАСТЫЛЬ І ІНШЫЯ ПЫТАННІ
У выпадку неабходнасці прастаўлення апастылю, атрымання паўторнага пасведчання аб рэгістрацыі акта грамадзянскага стану (за выключэннем выдачы паўторнага пасведчання аб смерці) неабходна звяртацца ў адзін з кампетэнтных органаў у Рэспубліцы Беларусь*, які вызначаецца ў залежнасці ад тыпу дакумента (МЗС, Мінадукацыі, Мінюст, галоўныя ўпраўленні юстыцыі Мінгарвыканкама і аблвыканкамаў, загсы).
Важна адзначыць, што падача дакументаў для прастаўлення апастылю, атрымання паўторных сведчанняў і даведак (паведамленняў) загс будзе магчымая толькі асабіста ўладальнікам гэтага дакумента альбо іншай асобай пры прад'яўленні даверанасці, аформленай у Рэспубліцы Беларусь.
ПРАДАСТАЎЛЕННЕ ДАКУМЕНТАЎ ПРЫ УСТУПЛЕННІ Ў ШЛЮБ
З прычыны таго, што з 1 студзеня 2025 года органамі загс Рэспублікі Беларусь выдача даведак аб адсутнасці запісу акта грамадзянскага стану спынена, уведзены новы парадак пацвярджэння шлюбнай дзеяздольнасці для грамадзян Рэспублікі Беларусь.
