Аб наведванні Паслом беларускага стэнда харчовай прадукцыі
06.11.2022 г.Надзвычайны і Паўнамоцны Пасол Рэспублікі Беларусь у Рэспубліцы Карэя Андрэй Чарнецкі і супрацоўнікі Пасольства наведалі Сеульскую міжнародную выставу харчовай прамысловасці COEX Food Week, якая адбылася ў перыяд з 2 па 5 лістапада 2022 года, аб'яднаўшы шматлікіх удзельнікаў з розных краін свету.
Дадзеная выстава стала першым міжнародным мерапрыемствам у Рэспубліцы Карэя, у ходзе якога ААТ «Агенцтва знешнеэканамічнай дзейнасці» прадставіла беларускія прадпрыемствы.
На стэндзе Агенцтва ЗЭД у ходзе выставы COEX Food Week 2022 была экспанавана прадукцыя кандытарскіх фабрык «Камунарка» і «Віцьба», алкагольныя і безалкагольныя напоі Клімавіцкага лікёра-гарэлачнага завода і ААТ «Гомельскі вінаробны завод», біялагічна актыўныя дабаўкі ААТ «Экзон», раслінны алей кампаніі «АдамантІмпарт».
Супрацоўніцтва паміж Пасольствам Беларусі ў Карэі і Агенцтвам ЗЭД адкрыла новыя магчымасці для развіцця дзелавых кантактаў паміж беларускім і карэйскім бізнесам.