Аб мерапрыемстве Пасольства, прымеркаваным да 105-годдзя сучаснай дыпламатычнай службы Беларусі
25.03.2024 г.
25 сакавіка 2024 года ў будынку Пасольства Рэспублікі Беларусь у Рэспубліцы Карэя адбылося мерапрыемства, прымеркаванае да 105-й гадавіны заснавання сучаснай беларускай дыпламатычнай службы.
У сустрэчы прынялі ўдзел запрошаныя госці з ліку прадстаўнікоў замежнага дыпламатычнага корпуса, культурных і інфармацыйных колаў Рэспублікі Карэя.
З прывітальным словам да прысутных звярнуўся Надзвычайны і Паўнамоцны Пасол Рэспублікі Беларусь у Рэспубліцы Карэя Андрэй Чарнецкі. Па прапанове кіраўніка замежнай установы мерапрыемства было пачата з хвіліны маўчання ў памяць аб ахвярах тэракту, які адбыўся 22 сакавіка 2024 года ў канцэртнай зале ў г.Маскве.
У сваёй прамове Пасол А.Чарнецкі адзначыў вялікі шлях, які прайшла беларуская дыпламатычная служба з моманту свайго заснавання, высокую ролю дыпламатыі ў сённяшніх геапалітычных умовах, а таксама падкрэсліў важнасць дыялогу паміж усімі краінамі і рэалізацыі сумесных намаганняў у рашэнняў глабальных выклікаў сучаснасці.
Гасцям сустрэчы была прадэманстравана прэзентацыя аб найбольш значных кроках у развіцці сучаснай дыпламатычнай службы Беларусі, поспехах і дасягненнях беларускіх дыпламатаў на сусветнай арэне і пляцоўках міжнародных арганізацый. Запрошаныя таксама змаглі азнаёміцца з фотавыставай “105 гадоў беларускай дыпламатычнай службе” і прыняць удзел у дэгустацыі традыцыйных страў нацыянальнай кухні Беларусі.